సత్య

ఉషోదయం నా ఇల్లు వాకిళ్ళ చుట్టూ ఎరుపు పచ్చని చల్లని కళ్ళాపి నీళ్ళు  చల్లుతుంది -------- పర్వీన్ సుల్తానా సూఫి పాట రోజంతా సుప్రభాత ధూపమై ధ్వనిస్తుంది

అడవంతా తిరిగిన తర్వాత ఏమీ తిరగలేదనిపించింది  ఇంట్లోనే వున్నప్పుడు అంతా చూసిందే అన్న భ్రమ ----- పాము గడప దాటుతూ తిరిగొచ్చి రెండు గోడల సందున పడుకున్నట్టు.

మెట్లు అంకితమైన కళ్ళు నిశాచర  ఉమ్మడి జ్ఞాపకాలోచనలతో మొలిచిన సమాథి పరిమళం సరిహద్దులు లేని ప్రాంతంలో మట్టి పచ్చని చోటయ్యింది ----- వెళ్ళి సాంబ్రాణి గాలి పాటల్లో ధ్యానించాలి.

మిట్ట ఎండాకాలం  నడెండమనస్సు జీడి పళ్ళ పరిమళం తేనేటీగల సంగీతం  మాయా ప్రపంచంలో నా పయనం

నీటి చుక్క ఆవిరైన మగతలో పడుకున్నాడు నేల చిట్లి వర్షపు చుక్క బుగ్గలా పొంగాలన్న కలలో నడిచాడు ఉదయం పంట మృతి మన్నుకూతలా కోడి రోదన ----- నీటి బిందువు పుడమిచితిలో ఆత్మాహుతయ్యింది ------ ప్రతి వర్షం వానస్వాప్నికుల దేహపొలం సమాథి  ------- మట్టిగడీల గోరీల్లో గడ్డి పువ్వు వాన స్వాప్నికుల జ్ఞాపకం

సముద్రపు అంచున పాదాల గుర్తులు నగ్నరాత్రి తాబేళ్ళు అలలొడ్డు ఉయ్యాల్లో గుడ్లు పొదిగినట్లు.

పాదాల చెంత కిరీటంలా వేర్లు, ఆరాథకుడు మోక్ష మార్గంలో పయనమయ్యాడు

మొగ్గల  దారి విరబూస్తున్న రాత్రి: పరిమళించే దిండు.

బుగ్గ  మీద సొట్ట కళ్ళళ్ళో తళుకు చూసే వారి మనస్సు కిటికీల చూపయ్యింది. (అక్షిత పాపకు)

నా దారికి నేనే దారి కనుచూపుమేరంత దూరాన్ని మనస్సు అడుగులతో నిలుచున్న చోటే తిరుగుతూ! గాలి పటానికి దారంలా ఎగురుతూ!!

అలలూ అంతే! దూరంకాని దగ్గరలో ముద్దెంగిలి తడిలా...!! పెదవొడ్డున లంగరులా...!!! (ఆర్.కె.బీచ్.వైజాగ్)

 మొలకల కలల్ని నాటి ... కళ్ళల్లో తేమ బిందువుల్ని జల్లండి తడి నేల వేర్ల అడవి ఉమ్మనీరవుతుంది. అప్పుడప్పుడు ఆకుల్ని నిమరండి. ----- అడవిని నాటగా! పెంచగా!! నేనేప్పుడూ, చూడలేదు!!!  నా అరణ్యవాసం  నేర్పుతున్న సూత్రం. మొలకల కలల్ని  నాటి ...