Posts

Showing posts from March, 2013

హనీ డ్రాప్స్

నక్షత్రాలు
ఆకాశంలోని
చివరి మిణుగుర్లు
సీసాతో
కబుర్లు చెప్పుకుంటా
నాలోని జీని తారతో
మంత్ర తివాచిపై విహరిస్తా

ఉదయం 
చివర్లో
సెలవుతీసుకున్న జీవాత్మలా
జేబులోనుండి
జారిన  దుడ్లన్నీ
దుప్పటికంటుకుని... 

నిప్పులోని ఈల పాట 
మళ్ళి రాత్రికి
చుక్కల్ని తెచ్చిస్తుంది! 


ప్రతి రోజూ
బొతల్ సముద్రంలో తేలి
నాకు చేరాల్సిందే
నేను
నింగి ఒడ్డున
నీటి ఘోస్టికి గేలం వేసే 
జాలర్నే
6-2-13
(చాలా కాలం తర్వాత ,గుల్జార్ ,బొతల్సె ఏక్ బాత్ చలి హై పాట ఙ్ఞాపకం వచ్చి)


అభివృద్ధి మైనింగ్

చదరంగ పావుల్ని
కదపడం నేర్చుకోవాలి
ప్రత్యర్ధి పావుల్ని నడిపే
వ్యూహాన్ని పసిగట్టాలి
అతడి ఆలోచనల్ని
నెమరేయాలి
రెండు మెదళ్ళ మధ్యనున్న
చదరంగ బోర్డులో
ఉహాచిత్ర పావులకి
జీవం పోయాలి
నిర్జీవం చేయాలి
ఎక్కడా రక్తపాతం వుండదు
వాటి మరకలూ కనిపించవు
యుద్ధమంతా
నలుపు తెలుపు గడుల్లో
తొక్కుడు బిళ్ళాట

కిటికు ఒక్కటే
ఆడేవాళ్ళు
మధ్యలో
యాం ఐ ఔట్
అని అడగాలి
ఇంతలో
టైం విల్ రన్ ఔట్

టిక్   టిక్  టిక్


భూవేర్లనంటిపెట్టుకున్న
ఖనిజాన్ని పెకలించే
అధునాతన యంత్రాలు
దూసుకుపోతాయి
అంతరిక్షం లోనూ
గుండెల్లోనూ...

అగుపించని ప్రత్యర్ధి
నీలోనూ
నాలోనూ
పబ్లిక్ హియరింగ్ లోనూ


టిక్  టిక్  టిక్...

7-2-13