Posts

Showing posts from December, 2013

జర్నీ

గబ్బిలం దృష్టి
రెక్కల వేగంతొ
రాత్రాంతా ప్రయాణం

చలి తట్టుకోవడానికి
గరిక గొంగళి శాలువా కప్పుతుంది

ఇంటికి రాగానే
శాలువానుండి వాకిట్లో
రాలిన రక్తపు ధూళి

చీకటి
రంగు రంగుల పురి విప్పుతుంది

అప్పుడే తలుపు తెరుస్తూ

ఆమె దర్శనమిస్తుంది

(16-9-13)
(బడంగిపేట్ నుండి మా ఇంటివరకు వున్న దారి)

తెలుపు అంచు

మునిమాపు వేళ

కొమ్మల పైన

వాలిన కొంగలు


ఇక అకాశంలో

మరో కొంగ

నక్షత్రాల మధ్యన

విహరిస్తుంది


లాంతరు అద్దం పైన

వెలుగు

చెరసాల చువ్వలా

ఆమెని తలుచుకుంటూ

ఓ తెలుపు అంచు 

రెక్కల కోరిక కట్టినట్టు

(11-10-13)