Posts

మదర్ ఎర్త్

  వూరవతలి ఇల్లు వాకిట్లో , వీధిలో ఇంట్లో అంతటా మొక్కలు , చెట్లు గదిలో మొక్కల్ని తరచుగా వాటి ప్రదేశాల్ని మారుస్తాను గోడలకి రుతువుల   పూలరంగులు అద్దుకుంటాయి వాకిట్లో పక్షుల గూళ్ళు చిగురిస్తాయి   నేల గంధం గాలి పువ్వు పరిమళం   ఇక వాటి వూ సులు అమ్మ జ్ఞాప కాల్లా ఇంటి ఆనవాళ్ళు   ఇల్లు నేల నింగి గడపకున్న సింధూర లంగరు ( 21-4-2023)

వేకువ పాట

      వాకిట్లో రేయింబవళ్ళూ రాలే నక్షత్రాలు సంపెంగ పూల రెక్కలు ఉదయం గాలి నింగి నేల మధ్యన వూగే పరిమళ అలల నది సాయంత్రం వాకిలల్లుకున్న పూలరెక్కలు పాదముద్రల లంగర్లు   -- వెలుగు చుక్క చీకటి గూటికి చేరేటప్పుడు గడపెదుటున్న పూల వెలుగు తారల్ని పోగు చేస్కుంటాను వాట్ని వైతరణి పాత్రలో   పోసి కిటికీలో పెడతాను రాత్రంతా   మా మేనులు పచ్చిక పైన మంచు బిందు మేళనాలు మళ్ళీ ఉదయాన తడి సింధూర సముద్రం ఎల్లల్లో మేల్కొంటాం.   అప్పటికే బుల్ బుల్   పిట్ట ముఖద్వారం ఎదుటనున్న పసుపు పచ్చ పూల తోరణంలోని గూట్లో నోరు తేర్చుకుని వున్న పిల్లలకు ఎంగిలి బువ్వ పెడుతుంటుంది కిచ..కిచ... సుప్రభాతంతో సూర్యుడు మిన్నేరుతో   ఇల్లలలికేస్తుంటాడు (గడపెదుట   బుల్ బుల్   పిట్ట గూటికి, దాని పిల్లలకు, 6-5-2021)          

శ్లోక - ద జర్నీ

  శ్లోక- 1 పయనం శ్లోక ముద్దు ముద్దు పలుకుల వంటకాల   ఘుమఘుమలు బాల్యపు చెమ్మ మనస్సు పెదవి పై ఇంకా మిగిలిన అమ్మ పెట్టిన గోరుముద్ద పలుకు శ్లోక- 2 శ్లోక   చదువు ,సంధ్యల కబుర్లు పిల్ల పంతులమ్మల ముందు సదా విద్యార్ధులమే! శ్లోక- 3 శ్లోక మాటల బాటలో పయనం గమ్యం చేరడానికి కాదు! ప్రయాణ కాలాన్నిగమ్యం  చేస్కోడానికి! ! (కె. శ్లోక కు, 28-2-2021)

మాల్

మా ఇల్లు పిచ్చుకలకు,పక్షులకు అంగడి రోజూ ఉదయమే మొక్కలకి నీళ్ళు పోయడానికి సూర్యకాంతి కోసం కిటికీ,తలుపులు తెరుస్తాను అప్పటికే గూళ్ళుకట్టుకోడానికి, ఇంటికి కావాల్సిన సరుకులు వాటంతట అవే తీసుకేళుతుంటాయి... వాటి కూతల శబ్ధంతో మా ఇంటి గల్లా పెట్టి నిండుతుంది (4-5-2020)

ఏదేమైనప్పటికీ...

రోడ్లని మాత్రం తిన్నగా నిర్మించాం ‘పట్టా ’ లతో బాటు రోడ్లనీ చదువుకున్నాం మీ వూరికి రోడ్డుందా! అని కుశలమడిగాం రోడ్లకి ఓపిక ఎక్కువ కిక్కిరిసిపోయినా కిక్కురుమనవు వేగాన్ని అదుపుచేయడానికి మలుపు తిరుగుతాయి పండగలు పబ్బాలు బైఠక్ లకూ,అన్నిటికీ అడ్డాలవుతాయి ఇల్లు వదిలిన దారిద్ర్యానికి కాళ్ళవుతాయి రోడ్డెమ్మటే చెట్లతో బాటు రోడ్లకి ఇల్లుంటే బాగుండు ఏదో పోగోట్టుకున్నదిలా వుండదు మనని పలకరించే నియాన్ కాంతి   గొట్టం నవ్వుతున్నట్టు౦టుంది ఏదేమైనప్పటికీ... రోడ్లు ఎదిగాయి వలస పక్షుల గూళ్లయ్యాయి చెదిరిపోతున్న సంబంధాలకు ‘సెల్ ’ ఫోన్ లయ్యాయి . ( 98)

కొన్ని హిందీ కవితల అనుసృజన

మబ్బుల చాటునుండి వస్తున్న చంద్రుడు ఎవరినైనా వెతకడానికా,లేక తనని తాను ప్రదర్శించుకోడానికా! ( 6-6-96) - తిరుగుతున్న ఆగిన సైకిల్ పెడల్స్ తాడు లేని బొంగరం ( 7-6-96) - నాల్గు మాటల కోసం నాల్గు గోడలు మనసులోని మాట పెదవుల పై బందీ అయ్యింది - నదిలో వెన్నెల కాగితపు పడవా లేక అందని ప్రేమలేఖా! ( 96)