వెదురు వర్షపు చుక్కలు

వింటి బద్ద

బాణం చూపు

పశువుల్ని కాచే ముల్లు కర్ర

ఇంటి దూలం

ముచ్చట్ల తరంగాల తూనీగ : వెదురాకు రెక్క

వెదురుకూర : గూటిలో మొలిచిన పుట్ట మన్ను పువ్వు

వెదురన్నం :నేలగంధ పరిమళపు బువ్వ

రాత్రింబవళ్ళ గాలి రాగాల నదీ గీతం :వెదురు వేణువు

వెదురు పొదల సవ్వడి ; వెన్నంటి కాచే గురవడి[1]పలుకులు

నా అడవి గుండె చప్పుడు : :పోతరాజు[2] గుఱ్ఱం అడుగుల ముద్ర

ముగింపును గెలుపు సంకేతంగా ఎగరేసుకు పోయే పిట్ట : వెదురు పువ్వు

మలుపుల దారిలో ఇంకా కొండ గుర్తుగా

కళ్ళ గడపెదుటే నిల్చే వున్నాయి

(ప్రపంచ వెదురు పొదల దినోత్సవం)

19/09/2014

[1] గిరిజన పూజారి

[2] వెదురు పొదను పోతరాజు గా పూజిస్తారు

సత్య