ఒకే గూడుకి రెండు అరలు కిందది గిజి గాడికి పైది గిజికి సహవాస గాలికి ఊగే ఉయల పందిరి. నేల రాలిన చుక్క బావి పైన తుమ్మ కొమ్మలకి అంటిపెట్టుకున్న గూళ్ళ వూరు పుడమి తివాచిని ఎగరేసుకుపోతున్న రెక్కల్లా. మూనిమాపు వేళ చెట్టు ఓ సంధ్యారాగం అప్పుడే వచ్చివాలే తెల్ల కొంగలు ప్రేక్షకులు తుమ్మ ముల్లు పక్షికూతలు రేయింబవళ్ళని జతకలిపి పలికించే బాన్సురి వయలీన్ల జుగల్ బంది (29-12-12,కంసానిపల్లి,మహబూబ్ నగర్ జిల్లా)
పుట్ట మన్నుతో కట్టిన బొమ్మరిల్లుని మరమ్మత్తులు చేసిన వేసవి సూరీడు అరచేతిలో భూమిని ఉండలు కట్టుకుని తిరిగేకుమ్మరిపురుగు చెట్టు ఆకాశం తిరగేసిన మబ్బుల గొడుగు వేసవి సెలవులు జీవితాంతం నెమరేసుకునే జ్ఞాపకాల కాలం అవును బాల్యం, మనలో ఎప్పటికీపొదిగివున్న మధుర బీజం అప్పుడప్పుడూ కొన్ని చినుకుల్ని గుండెలమీద చల్లుకుందాం ఓ పచ్చని గాలి శ్వాసలా తనువు ఆవరణను అల్లుకుంటుంది నేలగంధం పరిమళాన్ని ఆస్వాదిస్తూ కొమ్మల మంత్ర తివాచీ మీద ఓ జీవిత కాలం పయనాన్ని అమర్చే గూడులో ఒదిగిపోదాం ( 13-6-16)
వూరవతలి ఇల్లు వాకిట్లో , వీధిలో ఇంట్లో అంతటా మొక్కలు , చెట్లు గదిలో మొక్కల్ని తరచుగా వాటి ప్రదేశాల్ని మారుస్తాను గోడలకి రుతువుల పూలరంగులు అద్దుకుంటాయి వాకిట్లో పక్షుల గూళ్ళు చిగురిస్తాయి నేల గంధం గాలి పువ్వు పరిమళం ఇక వాటి వూ సులు అమ్మ జ్ఞాప కాల్లా ఇంటి ఆనవాళ్ళు ఇల్లు నేల నింగి గడపకున్న సింధూర లంగరు ( 21-4-2023)
little bit typical,
ReplyDeletekeep writing.
different n good
ReplyDelete