సత్య

పిల్లాడు లేనియింట్లో వాడి జ్ఞాపకాలు నెమరేసుకుంటూ... కుక్క పిల్లలతో ఆడుకోవడం వాడిలాగానే అవ్వడం రాత్రికి దిగులు కలిగించడం పగలుకి వెలుతురు పూయడం కనుపాపకి బాల్యం తొడగడం ఇద్దరం పసితనంతో తిరగడం ఇంట్లోకి పసిసవ్వడ్ని రమ్మనడం ఇళ్ళని కపటంలేని మొక్కలరంగులతో పెంచడం (10-6-2011)

కోకంచు చూపు దారంతా సొమ్ముల మట్టిపాదాల జాడ వర్షం నింగిని ముద్దాడిన మొగునాళ్ళ హోలీ ( సిమ్హాద్రిగూడ) 9/9/2010

జగబంధు కోడి కూసింది తెల్లరే సూర్యుడు రంగుపులుముకోకుండా నల్లగొంతు కూతలా కనిపించాడు జగబంధుకి ఇవేవి తెలియవు నలుపుతెలుపు కలలా... బొమ్మలు వేయడం వచ్చు ఉదయం చీకటి రంగు మారుస్తుంది జగబంధు కోడిలా... (బాలమిత్ర విద్యార్ది జగబంధుకి, 7-4-2011

ఇల్లు సర్ద్దుకుంటుంటే మర్చిపోయిన నా "ఇంకా సగం" దొరికింది మిత్రులతో కబుర్లు నెమరేసుకోవచ్చు పాతమాటల్ని కొత్త చేయొచ్చు ఇప్పుడు పుస్తకాల అరల్లో "ఇంకాసగం" చోటుచేసుకుంది ఇంట్లోకి స్థలం వచ్చినట్లు 1-4-2011

నిన్న తాకేంత దగ్గరలో వున్నాడు ఈ రోజు ఆమడ దూరంలో ఎర్రబడ్దాడు కలిసిపోడానికి వచ్చాడు కిటికీలోనుండి వీధి దీపంలా కనబడ్డాడు చీకటిలోంచి చెయ్యి వూపినా వాడికి కనిపించలేదు గడ్డి పువ్వు వెదురాకు మంచుచుక్క మిణుగు వెలుగు  వచ్చివెళ్ళిన జాడల  పలకరింపు వాడు దూరంగానూ లేడు నేను దగ్గరా... కాలేదు దార్లు కలుస్తున్నాయి రాయాలనిపించింది (మాధవి,ఛోటూ-లకు) 20-3-2011